今日去左行程緊密，舅父好早就約左我係築地等！！點個丸之內線有延誤，我足足遲左九個字先到＠"＠，哩個都未黑仔，最黑仔係去到門口先知漁市場休日！WTF，雖然去唔到食漁市場，係周圍都有旅客區魚生餐廳！
築地比係我2011黎個時變晒，完全唔同晒～多左旅遊中心不特止，濕貨少左食肆倍增！但海膽仍然回味～
東京METRO 1day PASS真係好有用，築地之後就去左東京鐵塔！依然係無準備既情況下，轉個彎成個塔彈左出黎～個下好震驚！！兜左個圈，有個OLD NAVY按LIKE活動，攞左幾個環保袋就走人去淺草
個時大家都好攰，想抖抖個陣入左間隱蔽CAFE，員工同客人都係過半百架！！笑到甩轆！！抖順左就直入晴空塔，前面有三個著和服的女人，舅父迫我去講日文問佢地點去晴空塔，𤓓爆事件又要出黎，佢三個係香港人～完～
經吾妻橋到晴空塔，小弟第一次拜訪，同東京鐵塔一樣震撼！行左個圈，直到日落就返上野食串燒！
唔記得左串燒個位置，求其入左間食。舅父舅母都攰到無心情鬧，食少少野再去拉麵填飽個肚就算～
點知個拉麵先係敗筆！！！學婆婆說：鹹過鹽釘
PS：舅父舅母回香港了，接著收到POLY同學MSG說星期二探我！XD
Search